Por que é importante o estudo da marcha?

A biomecánica inadecuada pode ser a raíz de múltiples problemas, afectando non só aos pés senón tamén repercutindo en xeonllos, cadeiras e costas. A realización dun estudo detallado proporcionaramos a información necesaria para valorar que tipo de tratamento efectuar, no caso de ser necesario.

Contamos ademais cunha plataforma de presións, a cal nos proporcionará unha análise máis precisa do padrón da pisada. É unha ferramenta avanzada que mide como se distribúe o peso ao longo do pé durante a marcha. De forma computarizada, a plataforma de presións proporciónanos a capacidade de cuantificar calquera forma de apoio, chegando así a zonas onde o ollo humano non é capaz de chegar. Permite un diagnóstico máis preciso e tratamentos máis efectivos.

Beneficios polos que realizar o estudo:

• Diagnóstico preciso: Entender a causa específica da dor ou molestia.
• Prevención de lesións: Identificar e tratar problemas antes de que se agraven.
• Optimización do rendemento: Mellorar a eficiencia e comodidade ao camiñar ou correr.
• Solucións personalizadas: A través de plantillas e outros tratamentos deseñados especificamente para cada paciente.